Logo

Malapit ng mag-2010. Ano ang balak mo sa buhay mo? Mananatili ka na lang na katulad ng dati? Hindi magbabago? Hindi susubukang magbago? Magiging ganyan ka na lang? Nakatirik ang buhay at walang nangyayari? E pano kung nasasaktan ka? Ayaw mo bang sumaya? Anong gagawin mo? Ano?

Ako? Gagawin ko iyong mga bagay na hindi ko nagawa dati...mga bagay na alam kong gusto ko at magpapasaya sa akin. Magpapakasaya ako sa taong darating. Kung masasaktan man ako ng husto dahil sa aking katangahan ay tatanggapin ko ng lubos ang mga iyon. Hindi naman lahat ng bagay e nagtatapos sa kasiyahan. Lalo ring hindi lahat ng bagay e nagtatapos sa kalungkutan. Bakit ka malulungkot kung puwede ka naman sumaya? Ang buhay e binubuo ng mga choices, kaya huwag kang manisi ng iba kapag nagkamali at nadapa ka. Ang gawin mo e imbes na magbunganga ka at magreklamo e tumayo ka at harapin ang kasalukuyan. Maghanap ka ng solusyon sa problema mo. Gamutin mo ang sugat mo.

2010 na. Mamahalin pa rin kita. Kahit hindi mo ako kailangan at gusto. Alam mo kung bakit? Ikaw iyong nagpapasaya sa akin e. Hindi mo man mabasa ito agad. Alam mo naman na sinulat ko ito mula sa puso ko. Cheesy? Siguro. Pero iyan ang nararamdaman ko e. Ikaw ang rason kung bakit ako masaya. Ako lang ang nagpapalungkot sa sarili ko.

Happy new year sa inyong lahat. Cheers. Ngiti lang kailangan. :)